स्याङ्जाको पुतलीबजार नगरपालिका -१४ लामागे स्थित पाणिनी संस्कृत गुरुकुल आश्रमका बटुक (विद्यार्थी)लाई लायन्स क्लब स्याङ्जा पुतलीबजारले पोशाक एवं स्टेसनरी सामान वितरण गरेको छ ।

एक कार्यक्रमका बीचमा जिएसटी संयोजक डोल राज शर्मा (कृष्ण रेग्मी)ले आफ्ना छोराहरू विक्रम र विमल रेग्मीको जन्मोत्सवको अवसरमा आश्रमका २१ जना बटुकलाई पोशाक एवं स्टेसनरी सामान वितरण गरेका हुन् ।

धर्म, संस्कृति, रितिरिवाज भावी पुस्तालाई हस्तान्तरण गर्न नसकिने होकी भन्ने आशंका उब्जेको अवस्थामा गुरुकुलले प्रशंसायोग्य काम गर्दै आएको कुरामा डिपार्टमेन्ट हेड एवं क्लबका चार्टर्ड प्रेसिडेन्ट श्री गुरुङले जोड दिएका थिए ।

कार्यक्रममा गुरुङले लायन्सद्वारा गरिएको सहयोगी कर्मको प्रशंसा गर्दै सामाजिक दायित्व बहनका साथ समाज परिवर्तनमा सबैले हातोमालो गर्न आह्वान समेत गरेका थिए ।