स्याङ्जाको फेदीखोला गाउँपालिका -१ मा रहेको अमोर सेवा नेपालद्वारा संचालित बालगृहले पाँच लाख रुपियाँ अनुदान पाउने भएको छ ।

फेदीखोलाको बालगृहलाई गण्डकी प्रदेश सरकार, सामाजिक विकास, युवा तथा खेलकूद मन्त्रालयअन्तर्गत सामाजिक विकास कार्यालय स्याङ्जाले अनुदान उपलब्ध गराउने भएको हो ।

आर्थिक वर्ष २०८१/८२ मा अनुदान रकम उपलब्ध गराउने गरी सामाजिक विकास कार्यालय स्याङ्जाका कार्यालय प्रमुख जीवन पौडेल र बालगृह सञ्चालक तथा अध्यक्ष कमला पराजुलीबीच सम्झौता भएको छ ।

अभिभावकविहीन बालबालिकालाई अभिभावकत्व प्रदान गर्दै आएको बालगृहमा हाल ३७ जना बालबालिका बस्दै आएका छन् भने उनीहरुको लत्ताकपडा, खानपिन, बसोबास तथा अध्ययनको व्यवस्थापन कमलाले मिलाउँदै आएकी छन् । यहाँ रहेका बालबालिका नर्सरीदेखि कक्षा १२ सम्म अध्यानरत छन् ।