Syangja Dainik Media
लगाएको कपडामा आगो सल्किँदा एक वृद्धको मृत्यु

आफैंले लगाएको कपडामा आगो सल्किँदा जलेर एक वृद्ध महिलाको मृत्यु भएको छ । खाना पकाउने क्रममा अचानक लगाएको कपडामा आगो सल्किँदा जलेर उनको मृत्यु भएको हो । 

मृत्यु हुनेमा गल्याङ नगरपालिका – १ तुलसीभञ्ज्याङ् बस्ने ७१ वर्षीया चित्रकला अर्याल रहेकी छन् ।

गए राती खाना पकाउने क्रममा अचानक लगाएको कपडामा आगो सल्किँदा अर्यालको शरीरको ५० प्रतिशत भाग जलेको र उनलाई राती नै उपचारका लागि लुम्बिनी मेडिकल कलेज प्रभास पाल्पा पठाइएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक हरिप्रसाद पौडेलले जानकारी दिए । 

त्यहाँ उपचार पश्चात् अर्याललाई थप उपचारका लागि मंगलबार बिहान मिसन अस्पताल पाल्पामा रिफर गरिएको र उपचारका क्रममा चिकित्सकले मृत घोषणा गरेको डिएसपी पौडेलले बताए । 

प्रकाशित मिति: मंगलबार, माघ २२, २०८१  १५:५७
प्रतिक्रिया दिनुहोस्
Weather Update