नेपाल पञ्चाङ्ग निर्णायक समितिका अनुसार यस वर्षको भाइटीकाको उत्तम साइत कात्तिक १८ गते आइतबार बिहान ११ बजेर ३७ मिनेटमा रहेको छ ।

पश्चिम मोहडा गरेर भाइटीका लगाउनुपर्ने समितिले जनाएको छ । त्यसै दिन नेवार समुदायले मनाउने किजापूजा पनि गर्नुपर्ने जनाइएको छ ।

भोलि मंगलबारदेखी यस वर्षको यमपञ्चक अर्थात् नेपालीको दोस्रो ठूलो चाड तिहार सुरू हुँदैछ । भोलि धनत्रयोदशी (धनतेरस) पर्व मनाइन्छ । यमदीपदान भने पर्सि बुधबार परेको छ । समितिका अनुसार कागतिहार पनि बुधबार नै मनाउनुपर्ने छ । आयुर्वेदका प्रवर्तक धन्वन्तरीजयन्ती पनि बुधबार नै मनाइन्छ ।

यस्तै, कुकर तिहार कात्तिक १५ गते बिहीबार परेको छ । त्यही दिन साँझ लक्ष्मीपूजा हुनेछ ।

शुक्रबार औंशी छ भने १७ गते गाईगोरु पूजा, गोवर्द्धन पूजा, बलि पूजा, हलीतिहार, म्हपूजा र नेपाल संवत् ११४५ प्रारम्भ पनि परेको छ ।