विभिन्न ब्रान्डका हराएका मोबाइल फेला पारी स्याङ्जा प्रहरीले सम्बन्धित धनीलाई फिर्ता गरेको छ ।

जिल्ला प्रहरी कार्यालय स्याङ्जामा विभिन्न मितिमा आफ्ना मोबाइल सेट हराएको भनी सर्वसाधारणहरुले निवेदन दिएसङ्गै खोजतलास गरेको स्याङ्जा प्रहरीले ६ थान मोबाइल फेला पारेर सम्बन्धित धनीलाई बुझाइएको प्रहरी निरीक्षक उमेशलाल श्रेष्ठले जानकारी दिए ।

प्रहरी निरीक्षक श्रेष्ठले निवेदन अनुसार फोन सम्पर्क गर्दा बाटोमा फेला पारेर ल्याएको भन्दै प्रहरी कार्यालयमा दिएपछि सम्बन्धित धनीलाई मोबाइल बुझाउन सहज भएको बताए ।

मंगलबार हस्तान्तरण गरिएका मोबाइल भिभो, हुवावे, इन्फिनिक्स, रेड्मी, रियलमी लगायत कम्पनीका छन् ।

प्रहरीले हराएका मोबाइल सेटहरु अनुसन्धान गरेर फेला पारी आफूहरुले पाउँदा मोबाइल धनीहरुले खुशी व्यक्त गरेका छन् ।

स्याङ्जाका धन सुबा सार्की, नरेन्द्रराज अर्याल, हर्कमान थापा, लिल बहादुर दर्जी, सन्तोष विश्वकर्मा र कृष्ण प्रसाद तिवारीलाई मोबाइल बुझाइएको प्रहरी कार्यालयले जनाएको छ ।

प्रहरीले हराएका मोबाइल सेटहरु अनुसन्धान गरेर फेला पारी आफूहरुले पाउँदा मोबाइल धनीहरुले खुशी व्यक्त गरेका छन् ।

जिल्ला प्रहरी कार्यालय स्याङ्जाका अनुसार यो आर्थिक वर्षमा १७ वटा मोबाइल हराएको निवेदन आएको छ । नभेटिएका अन्यको कानुनअनुसार अनुसन्धान गरेर खोजी गरिरहेको प्रहरीले जनाएको छ ।