गल्याङमा एक महिलाको लास फेला
स्याङ्जाको गल्याङ नगरपालिका -३ तल्लो गल्याङ खेलमैदान नजिकै आँधीखोलाको किनारमा एक महिलाको लास फेला परेको छ ।
बुधबार साँझ ६:३० बजेको समयमा स्थानीयले बेवारिसे लास रहेको खबर दिएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक हरिप्रसाद पौडेलले जानकारी दिए ।
डिएसपी पौडेलले घटनास्थलमा पुगी सकेपछि पानीमा सलले बेरेको घोप्टो अवस्थामा फेला परेको लास स्थानीय ५४ वर्षीय सुशीला कुँवर रहेको बताए ।
घटनाका सम्बन्धमा थप अनुसन्धान अगाडि बढाइएको प्रहरीले जनाएको छ ।
प्रकाशित मिति: बुधबार, कात्तिक २१, २०८१ २०:५६
प्रतिक्रिया दिनुहोस्
साताको लोकप्रीय
-1734838738.jpg)
